Cynllunio fy nhaith

Dod o hyd i’r arhosfan bysiau agosaf

Arosfannau bysiau defnyddiol

Ein cynghorion teithio lleol

  • Bws
  • Trên
  • Beic
  • Cerdded
  • Tacsi
  • Car
  • Parcio a Theithio

Cynllunio Taith gyda Traveline Cymru!

I gynllunio taith, cymerwch olwg ar ein Cynlluniwr Taith yn y fan ho.


Defnyddio technoleg ddigyffwrdd

Erbyn hyn, gallwch ddefnyddio technoleg ddigyffwrdd neu ApplePay i dalu ar fysiau mwyafrif y prif weithredwyr!

Ewch ar y bws, gofynnwch i'r gyrrwr am y tocyn yr hoffech ei gael, a defnyddiwch dechnoleg ddigyffwrdd i dalu amdano!


Gwasanaethau defnyddiol


Bws gwennol rhad ac am ddim

Mae Ysbyty Athrofaol Cymru ac Ysbyty Athrofaol Llandochau yn darparu bws gwennol rhad ac am ddim rhwng y ddau safle. Gallwch weld yr amserlen yn y fan hon.


Fyngherdynteithio

Cynllun a gaiff ei redeg gan Lywodraeth Cymru yw fyngherdynteithio, sy’n galluogi unrhyw berson ifanc 16 - 21 oed i arbed o leiaf 1/3 ar bris tocynnau bws yng Nghymru!

Mae’n syml iawn – gwnewch gais ar-lein yma ac fe gewch chi’r cerdyn cyn pen 10 diwrnod gwaith. Ar ôl cael eich cerdyn, dangoswch ef i’r gyrrwr ar eich bws!

Y cyfan y mae arnoch ei angen i wneud cais yw cyfeiriad yng Nghymru a llun sy’n addas i’w lanlwytho.

Gallwch gael gwybod mwy am y cerdyn yma.


Tocynnau bws rhatach

Gallwch ddefnyddio eich Cerdyn Teithio Rhatach gan Lywodraeth Cymru ar bob gwasanaeth bws lleol yng Nghymru. Ni allwch ddefnyddio eich cerdyn ar gyfer Cymru i deithio yn Lloegr, ac ni allwch ddefnyddio eich cerdyn ar gyfer Lloegr i deithio yng Nghymru.

Nodwch na allwch ddefnyddio eich Cerdyn Teithio Rhatach ar wasanaethau bws megis National Express neu Megabus. Mae National Express yn cynnig cerdyn teithio i bobl dros 60 oed, a gallwch gael rhagor o wybodaeth am y cerdyn hwnnw drwy glicio yma.

Mae rhagor o wybodaeth am ddulliau rhatach o deithio i'w chael yma.


Trên

Y gorsafoedd rheilffyrdd agosaf yw gorsaf Lefel Uchel y Mynydd Bychan (Rheilffordd Cwm Rhymni i mewn ac allan o Gaerdydd) a gorsaf Lefel Isel y Mynydd Bychan (Rheilffordd Coryton i mewn ac allan o Gaerdydd). Mae gorsafoedd Lefel Uchel ac Isel y Mynydd Bychan filltir i ffwrdd o'r ysbyty.


Cynllunio eich taith

I gynllunio taith ar y trên, ewch i Traveline Cymru a dewiswch ‘Trên yn unig’. I gael rhagor o wybodaeth am docynnau, ewch i Trafnidiaeth Cymru.


Cynllunio teithiau ar feic

I gynllunio taith ar feic, defnyddiwch Gynlluniwr Beicio Traveline sydd ar dop ffenestr y Cynlluniwr Taith yn y fan hon.


Cyfleusterau beicio

Mae gan y safle hwn lwybrau beicio a chyfleusterau storio beiciau. Gellir gweld y rhain ar y map o'r safle, sydd ar waelod y dudalen hon.


NextBike

Mae dwy orsaf NextBike ar y safle. Gallwch weld eu lleoliad a gweld faint o feiciau sydd ar gael drwy ddefnyddio ein Chwiliwr Arosfannau Bysiau yn y fan hon. Chwiliwch am Ysbyty Athrofaol Cymru. 


Cerdded

Cliciwch ar y botwm ar gyfer map o'r safle, sydd ar waelod y dudalen hon, er mwyn gweld y llwybrau cerdded. 

I gynllunio llwybr cerdded, defnyddiwch ein Cynlluniwr Taith yn y fan hon a dewiswch yr eicon 'cerdded'.


Tacsi

Mae gan y safle hwn safle tacsis. Gellir gweld ei leoliad ar y map o'r safle, sydd ar waelod y dudalen hon.

Premier (029 2055 5555)
Dragon (029 2033 3333)
Capital (029 2077 7777)


Ap Tacsi

Mae Uber ac Ola ar gael yng Nghaerdydd erbyn hyn! Cliciwch ar y ddolen gyswllt i lawrlwytho'r apiau.

Uber - Apple Google Play

Ola - Apple / Google Play


Parcio

Mae'n anodd parcio ar bob un o'n safleoedd yn ystod cyfnodau prysur a byddem yn annog cleifion, ymwelwyr a staff i ddefnyddio dulliau teithio amgen pryd bynnag y bo modd. Gellir parcio am ddim ar safle Ysbyty Athrofaol Cymru am bedair awr. Gellir ychwanegu dwy awr at y cyfnod hwn drwy gofnodi rhif cofrestru'r cerbyd mewn terfynell barcio. 


Parcio a Theithio

Mae gan Ysbyty Athrofaol Cymru wasanaethau Parcio a Theithio fel a ganlyn:

H59 - Pentwyn CF23 8HH
H59_PR.pdf

 


Os oes angen i chi wirio am aflonyddwch gwasanaeth, edrychwch ar wefan Traveline.

Gweld ein tudalen aflonyddwch

Gallwch ffonio asiantau ein Canolfan Gyswllt ar 0800 464 0000

Ewch i'n gwefan cymraeg.traveline.cymru

Mae gennym wasanaeth neges destun ar gael. Rhif testun Traveline 84268*

Dadlwythwch ap Traveline Cymru Ar gael ar iPhone a Android dyfeisiau

* Mae 84268 yn rhif ansafonol a all gostio mwy na thestun safonol ac ni chaniateir ei gynnwys mewn unrhyw fwndeli tariff. Gwiriwch â'ch gweithredwr symudol.

** Bydd eich ateb yn rhad ac am ddim i'w dderbyn, ar yr amod bod yr arosfannau bysiau dan sylw wedi'u lleoli yng Nghymru. Ar gyfer arosfannau bysiau y tu allan i Gymru, codir £ 0.25 arnoch i dderbyn yr ateb.