Gwybodaeth am deithio ar gyfer
Ysbyty Athrofaol Llandochau

I gynllunio taith, cymerwch olwg ar ein Cynlluniwr Taith yn y fan ho.

Mae Ysbyty Athrofaol Cymru ac Ysbyty Athrofaol Llandochau yn darparu bws gwennol rhad ac am ddim rhwng y ddau safle. Gallwch weld yr amserlen yn y fan hon.

Shuttle_bus_timetable.pdf

Cynllun a gaiff ei redeg gan Lywodraeth Cymru yw fyngherdynteithio, sy’n galluogi unrhyw berson ifanc 16 - 21 oed i arbed o leiaf 1/3 ar bris tocynnau bws yng Nghymru!

Mae’n syml iawn – gwnewch gais ar-lein yma ac fe gewch chi’r cerdyn cyn pen 10 diwrnod gwaith. Ar ôl cael eich cerdyn, dangoswch ef i’r gyrrwr ar eich bws!

Y cyfan y mae arnoch ei angen i wneud cais yw cyfeiriad yng Nghymru a llun sy’n addas i’w lanlwytho.

Gallwch gael gwybod mwy am y cerdyn yma.

Gallwch ddefnyddio eich Cerdyn Teithio Rhatach gan Lywodraeth Cymru ar bob gwasanaeth bws lleol yng Nghymru. Ni allwch ddefnyddio eich cerdyn ar gyfer Cymru i deithio yn Lloegr, ac ni allwch ddefnyddio eich cerdyn ar gyfer Lloegr i deithio yng Nghymru.

Nodwch na allwch ddefnyddio eich Cerdyn Teithio Rhatach ar wasanaethau bws megis National Express neu Megabus. Mae National Express yn cynnig cerdyn teithio i bobl dros 60 oed, a gallwch gael rhagor o wybodaeth am y cerdyn hwnnw drwy glicio yma.

Mae rhagor o wybodaeth am ddulliau rhatach o deithio i'w chael yma.

Mae’r Gwasanaeth Cludo Cleifion mewn Achosion nad ydynt yn rhai Brys yn wasanaeth i gleifion ledled Cymru nad ydynt, am resymau meddygol, yn gallu trefnu eu ffordd eu hunain o deithio’n ôl ac ymlaen i’w hapwyntiadau ysbyty.

Mae’n adnodd hanfodol i helpu’r cleifion hynny y mae arnynt angen y gwasanaeth ac sy’n dibynnu arno, ac ni ddylai gael ei ddefnyddio yn lle ffyrdd eraill o gyrraedd apwyntiadau.

Nodwch nad yw angen am driniaeth yn gyfystyr ag angen am gludiant. Mae’n rhaid i bob claf fynd drwy broses cadarnhau cymhwystra, er mwyn sicrhau bod modd cynnig y gwasanaeth iddynt.

Os gwelir nad yw cleifion yn gymwys, gall y Tîm Cludiant Amgen drafod opsiynau o ran trafnidiaeth sydd ar gael yn eich ardal ac a allai eich helpu.

Cliciwch yma i weld a ydych yn gymwys.

Yr orsaf reilffordd agosaf i'r safle yw gorsaf Cogan (0.8 milltir i ffwrdd) ar reilffyrdd y Cymoedd a Chaerffili, sy'n darparu gwasanaeth rheolaidd.  

I gynllunio taith ar y trên, ewch i Traveline Cymru a dewiswch ‘Trên yn unig’. I gael rhagor o wybodaeth am docynnau, ewch i Trafnidiaeth Cymru.

I gynllunio taith ar feic, defnyddiwch Gynlluniwr Beicio Traveline sydd ar dop ffenestr y Cynlluniwr Taith yn y fan hon.

Mae cyfleusterau beicio ar gael yn Ysbyty Athrofaol Llandochau, sy'n cynnwys cyfleusterau storio beiciau ynghyd â chawodydd a chyfleusterau newid. Gellir gweld eu lleoliad ar y map o'r safle, sydd ar waelod y dudalen hon.

Mae NextBike wrthi'n trefnu bod gorsaf NextBike yn cael ei gosod ar y safle. Cadwch eich llygaid ar agor am y newyddion diweddaraf! Gallwch weld ei lleoliad a gweld faint o feiciau fydd ar gael drwy ddefnyddio ein Chwiliwr Arosfannau Bysiau yn y fan hon. 

I gynllunio llwybr cerdded, defnyddiwch ein Cynlluniwr Taith yn y fan hon a dewiswch yr eicon 'cerdded'.

Penarth -

Cabs 64 (029 2070 6464)

Penarth Cars (029 2070 1122)

Windsor Cars (029 2070 0799)

Barry -

1st Line (01446 722888)

A2B Taxis (01446 747500)

Mae'n anodd parcio ar bob un o'n safleoedd yn ystod cyfnodau prysur a byddem yn annog cleifion, ymwelwyr a staff i ddefnyddio dulliau teithio amgen pryd bynnag y bo modd. Gellir parcio am ddim ar safle Ysbyty Athrofaol Llandochau am bedair awr. Gellir ychwanegu dwy awr at y cyfnod hwn drwy gofnodi rhif cofrestru'r cerbyd mewn terfynell barcio. 

Mae gan Ysbyty Athrofaol Cymru wasanaethau Parcio a Theithio fel a ganlyn:

Bae Caerdydd (Hen faes parcio Toys R Us) CF11 0JS
H95_PR.pdf